خرج ابن آدم من  العدم قلت   : ياه

رجع ابن   آدم  للعدم    قلت   : ياه

تراب    بيحيا  ... وحي بيصير تراب

الأصل   هو  الموت   و الا   الحياه ؟

ضريح رخام      فيه   السعيد    اندفن

و حفره فيها الشريد     من غير كفن

مريت   عليهم .. قلت      يا    للعجب

لاتنين   ريحتهم    لها   نفس    العفن

ياما  صادفت    صحاب و  ما صاحبتهمش

و كاسات خمور و شراب و ما شربتهمش

أندم    علي    الفرص   اللي  انا   سبتهم

و الا    علي   الفرص اللي ما   سبتهمش

 و الكون ده كيف موجود من غير حدود

و فيه   عقارب    ليه و تعابين    ودود

عالم   مجرب   فات  و قال    سلامات

ده   ياما فيه سؤالات من   غير  ردود